स्पेनिस गायिका रोजालिया
काठमाडाै, कात्तिक २७ ।
सन् २०२६ को लास भेगासस्थित एमजिएम ग्रान्ड गार्डेन एरेनामा आयोजित बहुप्रतिष्ठित ल्याटिन ग्रामी अवार्डमा स्पेनिस गायिका रोजालियाले आफ्नो उत्कृष्ट सांगीतिक जादू छरिन सफल भएकी छिन्।
नोभेम्बर १२, २०२६ का दिन सम्पन्न यस भव्य समारोहमा रोजालियाले एकैसाथ थुप्रै प्रतिष्ठित विधाका अवार्डहरू आफ्नो पोल्टामा पार्दै सबैको ध्यान खिचेकी हुन्।
उनले आफ्नो चर्चित सांगीतिक सिर्जना “सोभिग्नन ब्ल्याङ्क” (Sauvignon Blanc) का लागि ‘सर्वश्रेष्ठ छोटो सांगीतिक भिडियो’को उपाधि जितिन्।
यसका साथै, वर्षको उत्कृष्ट गीत र सर्वोत्कृष्ट पप गीतको श्रेणीमा “ला पर्ला” (La Perla) ले बाजी मार्यो।
सांगीतिक उत्कृष्टताको उचाइ छुँदै उनको बहुचर्चित एल्बम “लक्स (कम्प्लिट वर्क्स)” (LUX Complete Works) ले ‘वर्षको सर्वोत्कृष्ट एल्बम’, ‘सर्वश्रेष्ठ इन्जिनियर गरिएको एल्बम’ तथा ‘सर्वश्रेष्ठ वैकल्पिक सांगीतिक एल्बम’ जस्ता महत्त्वपूर्ण अवार्डहरू हात पार्न सफल भयो।
प्रेस रुममा हातभरि ट्रफीहरू बोकेर खुसी साट्दै गर्दाको उनको तस्विर र उपस्थिति अहिले विश्वभरका सञ्चार माध्यमहरूमा चर्चाको विषय बनेको छ। यस ऐतिहासिक सफलताले उनको सांगीतिक यात्रालाई थप उचाइमा पुर्याएको छ।
रामकुमार राई
